සිහින සිත්තරාවි..

සිහින සිත්තරාවි,
ඇස් බිම බලා සිනාසී..
සබකෝලකම් කරාවි,
හිත ආදරෙන් පිරේවි..
මට නුහුරු ඉඟි කරාවි,
උන්මාදකම් ගෙනේවි..
රතු කම්මුලත් ශ්‍රියාවි,
සිපගන්නමයි හිතේවි..

මද සිහිලසක් වගේ - මා නිවාලමින්
සැනසුමක් ගෙනේවි,
මුළු ජීවිතේ පූරා - අරමුණක් තියා
හීනයක් තනාවී,
මුදු සීත නිල් දියට - තඹර මල වගේ
ලෙන්ගතුයි කියාවි,
ඔබ දීපු ආදරේ - මහ මෙරක් තරම්
මගේ හිතේ දරාවි..
ආදරේ දැනේවි..

සිහින සිත්තරාවි..

සඳ පාන පීරමින් - පිපෙන කුමුදු මල්,
නුඹ වෙතයි සුගන්දේ..
තරු අහුරු අම්බරේ -  මවන රූ රටා,
නුඹ නිසයි සිනාසී..
දුර දුවපු හිත අරන් - ලඟට ලං කරන්,
ආදරෙන් තවාවී..
මට නුඹ තරම් තවත් - නෑ සිතුම් පෙළක්,
හදවතේ ගැහේවි..
ආදරේ දැනේවි..

සිහින සිත්තරාවි..

පෑයු සඳ සාවී..

පෑයු සඳ සාවී නිල් අහසේ 
සැගවී ගියා.. ආයේ, 
කවදාද පායා දිලෙන්නේ.. 
දෑසේ ඉඟි පෑව ඔය රහස 
මට තේරුණා.. ආයේ, 
කවදාද මා හා දොඩන්නේ.. 

පායා යලි - අඹරේ දිලී, 
ආයේ.. සනසන්න රන් තාරකා.. 
පාලා යලි - දෑසේ ඉඟි, 
ආයේ.. හිනැහෙන්න පෙම් රූපිකා.. 

සඳ පෑයු දා පෙරසේ, 
බැබලී දිලී අහසේ, 
තරු හිනැහුනා.. රහසේ.. 
මනමාලකම් දෑසේ, 
මැවිලා පෙනේ මසිතේ, 
හිත හිනැහුනා.. රහසේ.. 

මට තේරුණා.. මට තේරුණා.. 
ඉඟියෙන් එදා, 
මා හට ආලේ කී කතා.. 

පෑයු සඳ සාවී..
සිතුවම් මවා මහදේ, 
ඔබ හැංගුනා රහසේ, 
එනකං බලා.. ඉන්නේ.. 
දෑසින් එදා කිවූ දේ, 
විඳගන්න මං ආයේ, 
එනකං බලා.. ඉන්නේ.. 

මට තේරුණා.. මට තේරුණා.. 
ඉඟියෙන් එදා, 
මා හට ආලේ කී කතා.. 

පෑයු සඳ සාවී..

පියුමෙකි - මා..

පියුමෙකි - මා,

හිත තෝරනා,

සඳ කැන් පීරනා..

රූ අඟනා - හිත සුරනා,

හැඟුමන් බේරුනා..

නා දල්ලත් - තොල් පෙත්තත්,

නාඳුනන්නේ, මල් හොරා..

නෙතු කැල්මෙන් - බේරෙන්නම්

ඉන්නවානම්, ඇස් වසා..

පියුමෙකි - මා..

ආකාසෙන්.. පායාවි තාරකා,

සඳ ආවා,

තරු එළියෙන්, නාවා..

රූ.. අඟනා,

සැරසී.. හැඩවීලා..

පියුමෙකි - මා,

පෙති විහිදා,

ලොවම වශී කලා.. 

පියුමෙකි - මා..

දුන්නු වේදනා..

 දුන්නු වේදනා, මේ
නෙතින් උතුරලා..
මතක රැස්වෙලා, හිත
අයාලේ ගියා..
හිතෙන්නේම නෑ, ඔබ
මගේ නොවේ කියා..
ජීවිතේම දැන් මාගේ
හීනයක් වෙලා..

කෙටි කාලයකින් හමුවී,
මගේ ජීවිතයට පැමිණි,
ලස්සනම සිහිනෙකි ඔයා..

මේ සීත වස්සානේ,
පාළුව ගලන්නේ..
තනිකමයි හදවත, සරන්නේ..
මේ අන්ධ හිත් මානේ,
මතකය තැවෙන්නේ,
සෝ සංකා හිරිහැර කරන්නේ..

කෙටි කාලයකින් හමුවී,
මගේ ජීවිතයට පැමිණි,
ලස්සනම සිහිනෙකි ඔයා..

සඳ නේන රැ යාමේ,
සසලව හිඳින්නේ
කළුවරයි දසතින්, හමන්නේ..
වැටෙන හුස්මක් ගානේ,
ඔබවමයි සිහිවන්නේ,
ඔබ කොහේදෝ, හිඳින්නේ..

කෙටි කාලයකින් හමුවී,
මගේ ජීවිතයට පැමිණි,
ලස්සනම සිහිනෙකි ඔයා..

දුන්නු වේදනා..

දෙකොපුල් කඳුලින් තෙමා..

දෙකොපුල් කඳුලින් තෙමා,
තොල්පෙති නළලත තබා..
නික්මුණ දා, හිස සිඹලා,
ලතැවෙමි රැ තුන්යාමේ..
සුහදිනියේ..

මින් පෙරදී අපි මේ වගේ,
වෙන්වී යන්නට ඇති..
මේ කඳුළු ගංගා ඉමේ,
කොතැනක හෝ..
මගේ ජීවිතේ ඉකිබිදී,
ඔබේ දෙනෙත් යලි යලි සොයයි..
අපි පතා ආවා වගේ,
වෙන්වී යයි..

ඔබ පපුතුරේ මා හිදී,
මගේ පපුතුරේ ඔබ හිදී..
ලංවෙන්න වෙන්නේ නම් නෑ,
සුහදිනියේ..

දෙකොපුල් කඳුලින් තෙමා,
තොල්පෙති නළලත තබා..
නික්මුණ දා, හිස සිඹ මා,
ලතැවෙමි රැ තුන්යාමේ..

සුදු සිනිඳු මල් පෙති වගේ,
ගිලිහී යන්නට ඇති..
මුදු සුවඳ දැනෙනා ඉමේ,
දෙතැන පිපී..
හමුවීම ප්‍රේමය නොවේ,
වෙන්වීම ප්‍රේමය වඩයි..
අපි පතා ආවා වගේ,
වෙන්වී යයි.. 

ඔබේ සිහිනවල මා හිදී, 
මගේ සිහිනවල ඔබ හිදී..
එය පියවි ලෝකය නොවේ,
සුහදිනියේ.. 

දෙකොපුල් කඳුලින් තෙමා..

නිල් නෙතු..

 

නිල් නෙතු ඔබේ,
හදවත මගේ..
කැළඹු යුගේ,
නැත නිම වුනේ..
විල් තෙර නොවේ,
මගේ හදවතේ,
ඔය රන් පියුම පිපුනේ..

නිම්හිම් නොවේ,
සෙනෙහෙ සුවේ,
ඒ ආදරයේ අරුමේ..
සන්සුන් සිතේ,
ගැඹුරේ සැදී,
මට ආදරය දැනුනේ..

නිල් නෙතු.. නිල් නෙතු..
නිල් නෙතු.. නිල් නෙතු..

මියුලැසි නෙතේ,
ආදර සිතේ,
හැමද සුවඳ රැඳුනේ..
හිතවන්තියේ පෙම්වන්තියේ
ඔබමයි මගේ හද සිහිනේ

නිල් නෙතු.. නිල් නෙතු..
නිල් නෙතු.. නිල් නෙතු..

නිල් නෙතු ඔබේ..